Поранешниот лидер на босанските Срби, Радован Караџиќ денеска побара од Хашкиот суд како сведок на неговото судење да се појави некогашниот командант на Армијата на Република Српска, Ратко Младиќ, против кого исто така се води процес пред Трибуналот.
Доколку Судот го прифати ваквото барање, тоа ќе биде прва средба по повеќе години на двајцата лидери на босанските Срби, кои се сметаат за најодговорни за злосотрствата за време на Војната во БиХ од 1992 до 1995 година.
Караџиќ вчера ги отфрли обвиненијата на Хашкиот трибунал дека извршил геноцид во Босна и Херцеговина. Наведе дека Обвинителството нема доказ дека имал геноцидни намери или намера за кое било злосторство.