Хашкиот процес против Тачи и обвинетите за злосторства во Косово и Албанија ќе почне на 1 март

Од:

Хашкиот процес против поранешниот командант на ОВК, Хашим Тачи, обвинет за воени злосторства во Косово и Албанија, 1998-1999 година, треба да започне на 1 март следната година, јави Бета.

Ова го соопштија од Советот за расправа на американскиот судија Чарлс Смит во Хаг од документ објавен на веб-страницата на судот за злосторства извршени од борците на ОВК.

Судскиот совет закажа две прелиминарни рочишта за 17 јануари и почетокот на февруари 2023 година.

Доколку процедуралните подготовки завршат навреме, советот на судијата Смит „има намера“ да го закаже почетокот на судењето за 1 март, кога обвинителите би го дале воведниот збор.

Во текот на судењето, обвинителите планираат да го вклучат исказот на 319 сведоци.

Во комисијата што ќе им суди на Тачи и тројцата обвинети офицери на ОВК ќе бидат и судиите Гунаел Метра од Швајцарија, Кристоф Барте од Германија и резервниот судија Фергал Гејнор од Република Ирска.

Заедно со Тачи, за злосторства над Албанците, Србите и Ромите беа обвинети и членовите на Главниот штаб на ОВК Кадри Весели, Реџеп Селими и Јакуп Красниќи.

Извор: МИА

Би можело да ве интересира

(ВИДЕО) Протест во Приштина, „летаа“ и димни бомби – се бара оставка од Курти

Горан Наумовски

Пет членки на ЕУ не го признаваат Косово, Блинкен: Договорот меѓу Србија и Косово ќе ги охрабри

Ана Ололовска

Курти ги повикува Србите да се вратат во институциите и да учествуваат на изборите

Горан Наумовски

Курти од косовски Че Гевера до премиер – кожњак, долга коса, локни

А1он

Пукање во хотел во Приштина: Една жртва, двајца повредени

Катерина Павлова-Николовска

Вучиќ: Нема да потпишам ништо утре во Охрид

Горан Наумовски