Хрватскиот претседател Иво Јосиповиќ најави дека Загреб ќе ja промовира политикатa на проширување на Европската унија, како и влезот на Босна и Херцеговина во ЕУ.
– Ние со сите сили, кога зборуваме за политичко ниво, ќе ја промовираме политиката на проширување, па секако и за БиХ. Во тој процес подготвени сме да понудиме техничка помош, имаме голем број искусни преговарачи, и ако требаат нашите совети, тука сме, изјави Јосиповиќ во интервјуза Радио Слободна Европа.
Тој додаде дека Хрватска може да помогне и прекуголеми инфраструктурни проекти, како и преку продлабочување на соработката во областа на економмијата, културата и науката, со цел БиХ на тој начин да се доближи до Европа.
Јосиповиќ изминатите два дена беше во посета на БиХ, тоа е негова прва посета откако Хрватска на 1 јули стана полноправна земја-членка на Унијата.
Хрватскиот претседател во интервјуто наведе и дека меѓу Хрватска и БиХ има некои нерешени прашања, наведувајќи го Договорот за границите потпишан од претседателите Алија Изедбеговиќ и Фрањо Туѓман, кој не е ратификуван од парламентите.
– Тоа не е жешко прашање, нема големи караници, посочи Јосиповиќ.
Тој осврнувајќи се на проблемите во БиХ наведе дека тие можат да се решат само во БиХ, а не регионот.
– Погрешно би било Хрватска и Србија да се мешаат во решавање на проблемите во БиХ, наведе Јосиповиќ.