Непознат маж, за кого се претпоставува дека е имигрант, кој се качил на вагон на железничката станица во Суботица денеска околу 11.30 часот е убиен од струја, соопшти Српска Железница.
Комисијата за вонредни настани е на самото место на настанот и увидот е во тек, а сообраќајот е во прекин додека не се заврши увидот, пренесува Танјуг.
Како што се наведува, мажот се качил на товарен воз кој тргнал кон државната граница со Унгарија и тогаш влегол во опасна зона, на 2,4 метри висина, каде има напон од 25.000 волти.