Хоти: Тачи, Харадинај и Весели го кршат Уставот

Од:

Шефот на пратеничката група на опозицискиот Демократски сојуз на Косово (ЛДК), Авдулах Хоти ги обвини раководителите на трите највисоки државни институции дека со нивните дејствија го кршат Уставот на Косово, јави дописникот на МИА од Приштина.

Хоти во објава на Фејсбук ги посочи конкретните, според него, противуставни дејствија на претседателот на државата Хашим Тачи, првиот човек на Собранието на Косово, Кадри Весели и премиерот Рамуш Харадинај.

– Суверенитето и границата на Косово се бранат со уставни одлуки. Премиерот, со делегирањето на дијалогот со Србија кај претседателот, го прекрши Уставот со тоа што не ги извршува своите уставни обврски. Претседателот секојдневно го крши Уставот залагајќи се, во и надвор од Косово, за корекција на границите. Парламентарниот спикер е само публика, води кампања на терен без никаква институционална сериозност, а се нарекува себе си шеф на владејачката коалиција, напиша Хоти.

Според шефот на пратениците на најголемата косовска опозициска партија, „за да ги покријат промашувањата и неуставните заложби, претседателот, премиерот и претседателот на Собранието ги заострија меѓусебните обвинувања“.

– Во една груба кампања, тие ги туркаат напред нивните клановски и партиски агенди, нанесувајќи ѝ штети на косовската држава. За излез од оваа ситуација, што поскоро треба да им дадеме можност на граѓаните на суверена Република Косово, во нејзините државни граници од 17 февруари 2008 година, да го кажат нивниот збор на слободни избори, порача Хоти.

Би можело да ве интересира

Кај Драч уловена ајкула „тигар“ од 500 килограми

Топ чанел: Иранскиот амбасадор обвинува дека муџахедините во Албанија „користат ново оружје“

Рама најави усвојување на изборната реформа до крајот на годинава со или без опозицијата

Рама нема да поднесе оставка: Сонцето повторно изгреа, ние продолжуваме со реформите

Албански медиуми: Макрон наскоро во Тирана и во Скопје

Татјана Ташкова

Баша побара предвремени избори: Владата да го следи примерот на Северна Македонија

Ана Ололовска