Харадинај до Вучиќ: Признајте го Косово и ќе спречите создавање на „Голема Албанија“

Од:

Лидерот на Алијансата за иднината на Косово (ААК) и кандидат за иден претседател на државата, Рамуш Харадинај му порача на претседателот на Србија, Александар Вучиќ дека доколку сака да го спречи создавањето на „Голема Албанија“, Белград треба да ја признае независноста на косовската држава.

Одговарајќи на денешната изјава на Вучиќ дека „Харадинај е опасен човек“ и дека неговата најава за референдум за обединување на Косово со Албанија „претставува закана не само за Србија, туку и за регионот, Европа и целиот свет“, поранешниот косовски премиер порача дека, се додека им изгледа опасен на српскиот претседател и на Србија, тоа е потврда дека се движи „во добра насока“.

Порачувајќи му на Вучиќ да не се плаши и да не се нервира, Харадинај на неговата страница на Фејсбук напиша дека „Косово го бара само тоа што му припаѓа“.

– Не се плашете г. Вучиќ. Нема потреба и да се нервирате. Косово го бара само тоа што му припаѓа. Доколку вие и останатите сакате да спречите референдум за обединување на Косово со Албанија во 2025 година, има еден многу едноставен начин: Србија да го признае Косово како независна држава. Понатаму Косово го знае својот пат за зачленување во НАТО, ЕУ и ОН. Со хистерична реторика нема да го спречите нашето право да ја дефинираме иднината на Косово, порача Харадинај.

Тој вели дека „сите треба да знаат“ оти неговата вчерашна „изјава и заложба за обединување со Албанија е резултат на постојаната небрежност на Брисел кон Косово“.

– Косово и неговите граѓани се најпрозападни и како такви не заслужуваат да бидат презирани, игнорирани и условувани до бескрај, напиша Харадинај.

Би можело да ве интересира

Филипс: Доколку Вучиќ навистина се грижи за Србија ќе ги нормализира односите со Косово

Ана Ололовска

Косовската министерка за финансии поднесе оставка, именуван нов министер

Жарко Настоски

Харадинај: Курти има лоша намера да формира влада со малцинствата

Косово: Претепан синот на политичарот Ненад Рашиќ, приведени седум лица

Ана Ололовска

Ќе се пребројуваат гласовите од речиси 500 косовски избирачки места

Жарко Настоски

Вучиќ: Ако Косово мисли дека нема потреба од дијалог, немам проблем со тоа

Ана Ололовска