Во две одделни акции грчката полиција заплени 300 килограми марихуана, која била донесена од Албанија.
Двајца албански и еден грчки државјанин се уапсени кај селото Филат, во близина на пограничниот град Игуменица. Тие транспортирале 206 килограни распоредни во 63 пакетчиња.
Во втората акција, во близина на аеродромот во Јанина уапсени се тројца грчки државјани, кои во возилото со кое патувале пренесувале 86 килограми марихуана.
Полицијата се сомнева дека во шверцот на марихуната се вмешани и други лица, па не се отфрла можноста дрогата други лица да ја транспортирале до албанско грчката граница илегално, по што ја презеле сега уапсениет лица од грчка територија.
Според медиумите, само во текот на овој месец албанската, грчката и италијанската полиција заплениле околу пет тони марихуана произведена во Албанија, а над 500 килограми полициите на соседните земји на Албанија.