Градоначалникот на Приштина му го додели „Клучот на градот“ на црногорскиот претседател Ѓукановиќ

Од:

Градоначалникот на Приштина, Прпарим Рама му го предаде „Клучот на градот“ на црногорскиот претседател Мило Ѓукановиќ, кој допатува денеска во дводневна официјална посета на Косово, јави дописникот на МИА од Приштина.

На церемонијата организирана по тој повод во приштинската општина, Рама му порача на Ѓукановиќ да се чувствува во косовската престолнина како дома.

-Ова е клучот на главниот град, клучот на вашиот дом. Чувствувајте се во Приштина како дома, секогаш сте добредојден тука, рече Рама.

Црногорскиот претседател се заблагодари за честа и изјави дека „клучот е многу убав подарок за пријателството меѓу двете држави“.

Во првата официјална посета на еден црногорски државник на Косово, Ѓукановиќ претпладнево беше пречекан со највисоки државни почести од неговата косовска колешка, Вјоса Османи.

На заедничката прес-конференција по билатерална средба, Ѓукановиќ изјави дека неговата земја го поддржува Косово на патот кон евроатлантските интеграции, така што ќе го поддржи и неговото зачленување во Советот на Европа, за што Приштина аплицираше во Стразбур минатата недела.

Османи изјави дека нејзиниот црногорски хомолог секогаш бил пријателски настроен кон Косово и му се заблагодари за досегашната сестрана поддршка.

Двајцата претседатели нагласија дека се противат на иницијативата „Отворен Балкан“, која ја промовираат Северна Македонија, Србија и Албанија.

Ѓукановиќ денеска во Приштина се сретна и со претседателот на Собранието на Косово, Глаук Коњуфца.

Извор: МИА

Би можело да ве интересира

Топ чанел: Двајца млади Косовци уапсени во Италија кои планирале терористички напад во Тренто

А1он

Напад со експлозивна направа врз објект на „Електрокосмет“ во северно Косово

Ана Ололовска

Ѓукановиќ: Ќе ја поддржиме европската политичка заедница ако тоа доведе до забрзување на евроинтеграцијата

А1он

Црногорската влада ги ограничи маржите на основните прехранбени производи

А1он

Лајчак: Србија и Косово усвоија Патоказ за спроведување на енергетски договор

Ана Ололовска

Бислими: Косово и Србија постигнаа договор за електричната енергија

Ана Ололовска