Грабар-Китаровиќ индиректно најави кандидатура за уште еден мандат

Од:

Хрватската претседателка Колинда Грабар-Китаровиќ денеска од Книн индиректно најави кандидатура за уште еден мандат за шефица на државата.

– Денеска сум овде како претседателка на републиката, ќе се гледаме и во следните пет години, рече Грабар-Китаровиќ пред новинарите на одбележувањето на годишнината од „Бура“. Претходно и премиерот Андреј Пленковиќ, изјави дека Грабар-Китаровиќ за својата кандидатура ќе ја има поддршката на ХДЗ.

Засега најавено е дека на претседателските избори ќе учествува Зоран Милановиќ, со поддршка на матичната Социјалдемократска партија, кој би можел да биде поддржан и од уште неколку помали лево оријентирани партии. Во претседателската трка ќе учествува и Катарина Пеовиќ од Работничкиот фронт, а како независен кандидат ќе се натпреварува и музичарот и претприемач Мирослав Шкоро. Како независен кандидат на изборите ќе учествува и економистот од американскиот универзитет Принстон Дејан Ковач.

Мандатот на актуелната претседателка изминува на почетокот на 2020 година, а првиот круг од претседателските избори ќе се одржат на крајот на декември оваа година.

Би можело да ве интересира

Во Сплит казната за одење во костим за капење на улица и пиење алкохол на јавно место е 150 евра

Ана Ололовска

Грлиќ Радман – Дачиќ: Соработката меѓу Хрватска и Србија е во интерес на двете земји

Ана Ололовска

Хрватскиот шеф на дипломатијата Грлиќ Радман на средба со српскиот колега Дачиќ

Ана Ололовска

Кракен, новиот вид на корона, пристигна во Хрватска

А1он

Градоначалникот на Загреб го чисти ѓубрето со работниците: Ајде да го исчистиме градот што поскоро

А1он

Хрватски пратеник: Србите од Хрватска добиваат повици за мобилизација во случај на војна на Косово

А1он