Голоб предупреди на „информациска војна“ на Москва на Балканот

Од:

Словенечкиот премиер Роберт Голоб, во врска со руското влијание на Балканот, предупреди дека земјите од регионот мора „да смислат планови“ за да се спротивстават на очигледното руско влијание врз тамошната јавност и на „информациската војна“ што доаѓа од Москва.

Во интервју за британски Би-Би-Си, Голоб, на маргините на вчерашниот самит на НАТО во Мадрид, рече дека „делови од локалното население се за позициите на Москва и затоа треба да работиме со владите на Балканот за да ги доближиме до европската позиција“.

„Но, мораме да ја земеме предвид наклонетоста на населението кон Русија, да не ја игнорираме, па да најдеме дури и кревка рамнотежа“, предупреди словенечкиот премиер.

Како што пренесуваат словенечките медиуми, тој предупредил и за грешките од минатото во односот на Западот со Русија, од кои, како што додаде, треба да се извлечат поуки.

„Настаните во Украина можеби ќе се одвиваа поинаку доколку НАТО во односот кон неа постапуваше како и кон Кина. Ова е лекција од која мораме да учиме“, рече словенечкиот премиер,

Во разговорите за словенечките медиуми за време на самитот, Голоб најави забрзување на напорите Словенија да ја постигне целта што поскоро да го зголеми финансирањето на својата војска на 2 отсто од БДП, според договорите во НАТО алијансата и изјави дека неговата влада би го променила претходниот план за да го постигне тоа до 2030 година.

Извор: МИА

Би можело да ве интересира

Зеленски: Русија убива деца со балистика, ѓубрињата во Москва сакаат да ја продолжат војната

Захарова: Одлуката на Германија е очигледна навреда

Москва: Киев не може да се согласи со обврските за решавање на конфликтот во Украина

Горан Наумовски

ВИДЕО: Експлодира лимузината на Путин

Спречен терористички напад во административни згради во Москва

Горан Наумовски

Руската полиција спречи голем терористички напад во Москва