Српскиот претседател Александар Вучиќ на Денот на победата најави дека ќе оди во Моксва и покрај острите предупредувања и закани од ЕУ.
„Постои период на огромна дипломатска активност, како и голем притисок поради настаните во Москва и победничката парада на 9 мај, односно 80 години од победата над фашизмот, во која најавивме учество на една единица на српската армија. Најверојатно ќе патувам во САД, ќе имам средба со сите европски официјални лица, ќе имаме свој самит во Севиља, самит во Тирана, ќе имаме самит во Рим, сето тоа во следните два месеци, многу е, па ќе видиме како ќе изгледа сè, во секој случај. Сепак ми се чини дека небото ќе ми падне на глава од притисокот за одењето во Москва, иако никого не излажав, го најавив моето заминување во Москва пред осум месеци, затоа што до тогаш веќе две и половина години не сум бил таму. Поминаа значително време, повеќе од три години, од 21 ноември откако не сум се сретнал официјално со претседателот на Руската Федерација, за разлика од многу европски лидери“, рече тој.
Србија даде значаен придонес во борбата против фашизмот, на што сме горди, рече тој. Ние сме горди на нашата борба против фашизмот и тоа е клучната причина зошто ја прифатив покана, рече тој.
“Не знам што ќе одлучи некој друг и какви ќе бидат санкциите. Не ја сменив мојата одлука, подготвен сум цело небо да ми падне на главата. Ќе видиме уште колку ќе издржам. Ќе биде интересно”, додаде тој.
