Руските вооружени сили продолжија со операциите откако на 21 април на полноќ истече прекинот на огнот, кој беше во сила од 19 април, соопшти руското Министерство за одбрана.
Според соопштението на Министерството, Велигденскиот прекин на огнот, прогласен од претседателот Владимир Путин, е завршен во предвидениот рок, пренесе РИА Новости.
„По истекот на прекинот на огнот, вооружените сили на Руската Федерација продолжија да спроведуваат специјална воена операција“, се вели во извештајот на Министерството.