Русија денеска ја обвини Јапонија за предавство и соучество во кражба, откако Токио минатата недела потпиша договор за да и позајми на Украина околу три милијарди евра за реконструкција, поддржани од приходите од замрзнатите руски средства.
Јапонија на 18 април потпиша договор за заем со Украина за 471,9 милијарди јени (2,9 милијарди евра), пренесува Ројтерс.
Според условите на аранжманот, заемот ќе се враќа со средства од руските имоти во вредност од десетици милијарди долари кои се замрзнати во Европската унија поради војната во Украина.