Фрлени се три бомби врз три српски куќи на Косово

Од:

Во текот на ноќта во Косово се фрлени три бомби врз куќите на претставниците и лидерите на Српската листа со цел да ги заплашат и да ги натераат да ги напуштат своите домови, изјави директорот на Канцеларијата за Косово, Петар Петковиќ.

Најпрвин околу 2.30 часот била фрлена бомба во дворот на Срѓан Ристиќ во Ранилуг, директорот на УО „Пчелата Маја“. Причинета е голема материјална штета.

Истовремено, бомба е фрлена и врз семејната куќа и гаражата на Владица Аритоновиќ во селото Глоговце, кој е заменик градоначалник на општина Ранилуг. И тука е причинета голема материјална штета, а во нападот нема повредени.

Во текот на ноќта била фрлена експлозивна направа кон куќата на Зоран Ристиќ од Ранилуг, директор на Центарот за социјална работа, но експлозија немало.

– Станува збор за брутално заплашување на претставниците на Српската листа, кои дојдоа само неколку дена по заканите на Албин Курти дека Србите и Српската листа „ќе трпат и ќе платат“. Курти почна да го реализира својот план прво со апсење на тројца Срби, а сега гледаме дека се фрлени бомби врз три српски куќи – вели директорот на Канцеларијата за Косово.

– Очекуваме сериозно да се сфатат и да се истражат овие застрашувачки напади врз претставниците на Српската листа, бидејќи тие испраќаат јасна порака и закана до Србите да ги напуштат своите вековни огништа. За овие синхронизирани и планирани напади Канцеларијата ќе ги информира и меѓународните претставници, бидејќи таквите дела со знаци на тероризам не смеат да се сфатат лесно – истакнува Петковиќ.

Би можело да ве интересира

Македонија ќе поддржи резолуција за геноцид во Сребреница

Орце Костов

Германија испраќа дополнителни војници во Косово

Горан Наумовски

Уапсен Србин на Косово: Обвинет е за воени злосторства

Горан Наумовски

23-годишна Украинка пронајдена мртва на автопатот „Арбен Џафери“ во Косово

Катерина Ѓуровски

Вучиќ за Косово: На сите во лице им кажав што нема да исполниме од Охридскиот договор

Горан Наумовски

Косово одбележува 16 години од независноста

А1он