Фрлена е бомба на куќата на Веселин Јевросимовиќ, претседател на компанијата „Комтрејд Груп“ и сопственик на македонската телевизија Алфа, пренесува српскиот весник Блиц
Експлозијата се случила во 4 часот наутро и ја оштетила фасадата и прозорците на куќата, но за среќа никој не е повреден. Во моментот на експлозијата, во куќата биле сопругата и детето на бизнисменот.
Во куќата во тоа време беше мојата дванаесетгодишна ќерка, но за среќа, никој не е повреден. Никој никогаш не ми се заканувал и не знам што би можело да биде мотив за нападот. Ние не сме компанија која се занимава со криминал, ниту имаме било каква врска со криминалот. Ова, според мене, е удар врз слободните медиуми, но тоа нема да ме обесхрабри – изјавил Јевросимовиќ.