Европскиот комесар за проширување, Штефан Филе денес изјави дека Косово и Србија постигнаа историски договор и дека се надева дека Европскиот совет во јуни на Србија ќе и одобри датум за почеток за започнување на преговорите за пристапување во ЕУ.
-Го поздравувам историскиот договор за двете држави-изјави Филе по состанокот со заменикот на косовскиот премиер, Мимоза Кусари и министерката за европски интеграции, Вљора Читаку и додаде дека неговата канцеларија е подготвена да помогне во спроведувањето на договорот.
Тој предупреди дека сега очекува Косово и Србија не само да ги применат договорите, туку уште поинтензивно да работат на внатрешните реформи.
Читаку зборувајќи за односите на Косово и ЕУ ја цитираше само познатата реплика од филмот „Казабланка“ дека ова е само почеток на едно прекрасно пријателство, но додаде дека е свесна дека на Косово му претстои уште многу време и напор за интеграциите во ЕУ.
-Договорот не беше идеален, но е најдобар за нашите држави, регинот и ЕУ-истакна таа.
Елена Георгиевска