Турција ќе продолжи да им помага на сириските бегалци, но се обидува да спроведе поефективни мерки, изјави денеска турскиот претседател Реџеп Тајип Ердоган.
– Само за бегалците, кои живеат во камповите, ние потрошивме 8,5 милијарди долари. Тоа што го правиме сепак е невозможно да се оцени од материјален аспект. Турција не го сторила тоа по нечија наредба. Луѓето дојдоа до нашите граници, спасувајќи се од бомби и ние ги отворивме границите, рече тој.
Како што јави ТАСС, Ердоган исто така ги повика земјите од ЕУ да го земат предвид тој факт, кога го разгледуваат прашањето за одделување средства.
– Ќе продолжиме да пружаме помош. И нема да се потпираме на средствата, кои се во касата, туку ќе го решиме прашањето за тоа како да го зголемиме квалитетот на нашата помош, рече тој.
Ердоган повторно повика за создавање на зона, забранета за летови во северна Сирија, која ќе им овозможи на бегалците да се вратат во својата татковина.
Тој додаде дека прашањето ќе го постави на самитот на Г-20 од 15 до 16 ноември во Анталија.