Европскиот парламент е загрижен поради се полоштата состојба на слободата на медиумите во Црна Гора, ниските професионални и етички норми кај медиумските работници и зголемувањето на бројот на инцидентите, чии жртви се новинари и имотот на медиумите, се наведува во нацрт-резолуцијата, која денеска беше разгледана во Комисијата за надворешна политика на ЕП.
Во документот се бара од црногорските власти итно да покренат судски процеси за секој случај на закана и напад врз новинарите и се истакнува дека независноста на медиумите е клучна карактеристика на секое демократско општество.
ЕП ја потенцира и одговорноста на медиумите и политичарите за создавање на атмосфера на толеранција кон различните мислења и ја поздрави спогодбата на претставниците на црногорските медиуми за формулирање нов професионален морален кодекс.