Претседателот на Владата на Албанија, Еди Рама допатува денеска во официјална посета на Црна Гора.
Со највисоки државни почести беше пречекан од премиерот на Црна Гора, Душко Марковиќ, со кого ќе има и средба во Подгорица.
По тие состаноци ќе бидат организирани разговори на двете влади.
Во делегација со Рама се и министерот за надворешни работи Дитмир Бушати и пратеникот во Собранието на Албанија, Паулин Стрекај, јавуваат црногорски медиуми.