Американскиот производител на автоделови „Џонсон Контролс“ денеска отвора две фабрики за производство на седишта и делови за ентериер за патнички автомобили во Крагуевац, објавија српските медиуми.
Двете фабрики ќе произведуваат делови за новиот фиатов модел „фиат 500л“ кој се произведуваа во фабриката „Фиат автомобили Србија“во Крагуевац.
Американскиот гигант кој покрива 30 проценти од светското производство на автомобилски ентериер, е еден од четирите главни соработници на италијанската фабрика во Крагуевац. Оваа компанија има повеќе од 50 фабрики во светот.
Србија годинава очекува повеќе од 1,6 милијарди евра приход од извозот на компанијата „Фиат автомобили Србија“, која во текот на минатата година произведе околу 30.000 автомобили „фиат 500л“.