Бугарскиот премиер Бојко Борисов, чија земја го држи ротациското претседателство со Европската унија, утре ќе го посети Косово.
Според бугарската новинска агенција БТА, целта на посетата е да се разгледаат можностите за подобрување на соработката во регионот и одржувањето на мирот и стабилноста на Балканот.
Борисов ќе се сретне со косовскиот претседател Хашим Тачи, премиерот Рамуш Харадинај и со Наталија Апостолова, која ја предводи мисијата на Европската унија на Косово. Борисов ќе биде придружуван од вицепремиерот и министер за одбрана Красимир Каракачанов.