Поранешниот американски претседател Бил Клинтон кон крајот на неделава ќе ја посети Атина.
Посетата е дел од грчко-американската кампања за поправање на негативниот имиџ на Грција и промовирање на иницијативите за олеснување на последиците од кризата што ја зафати земјата.
Според „Катимерини“ грчко-американската иницијатива во која се вклучени бизнисмени, адвокати и научници има за цел да собере најмалку 100 милиони евра со цел зајакнување на работата на изолирани хуманитарни организации, поддршка на имплементацијата на структурните реформи и привлекување странски инвестиции.