Германскиот дипломат Бернд Борхарт ќе биде нов шеф на мисијата ЕУЛЕКС, јавија денеска приштинските медиуми.
Се очекува Борхарт во текот на наредната седмица да биде и официјално именуван на функцијата.
Тој ќе го замени францускиот генерал Гзавие Бу де Марнак, и на тој начин ќе ја прекине практиката пензиониран француски генерал да биде на чело на мисијата во историјата на ЕУ.
Високи извори на ЕУ за „Коха диторе“ потврдија дека изборот на германскиот дипломат, кој беше и амбасадор во Тирана, на функцијата шеф на ЕУЛЕКС е сигурен.
Борхарт има искуство и со Косово, бидејќи за време на конфликтот беше заменик на Вилијам Вокер, кој беше шеф на Верификационата мисија на ОБСЕ на Косово.