Српската полиција трага по група бандити кои прво гаѓаат со камења камиони со странска регистрација што минуваат по обиколницата крај Белград, а потоа, кога камионите запираат, ги ограбуваат возачите, соопшти белградскиот весник „Блиц“.
Седум камиони од Србија, Бугарија и Турција се гаѓани со камења на оваа делница. Предизвикани се штети на предните стакла и прозорците од вратите на возилата, а возачите во целост минале со полесни повреди.
Само во текот на последната недела се извршени три идентични напади- гаѓање со камења, а потоа ограбување на возачите на камиони со странски регистрации.
По последниот напад, извршен на 21 април, нема повредени, а полицијата привела тројца малолетници, за кои се сомнева дека ги организирале нападите.
Полицијата, што трага по останатите од групата, смета дека повеќето се малолетни лица.