Абазовиќ: Без проблеми би го потпишал Темелниот договор со СПЦ доколку е усогласен со Уставот на Црна Гора

Од:

Црногорскиот вицепремиер Дритан Абазовиќ, кој се споменува како најсериозен кандидат за мандатар за состав на новата влада, изјави дека не би имал проблем да го потпише Темелниот договор со Српската православна црква (СПЦ) доколку е во согласност со Уставот.

dobivaj vesti na viber

За подгоричката телевизија „Адриа“ Абазовиќ изјави дека има драматизирање околу Темелниот договор и дека за тоа разговарал со патријархот на СПЦ, Порфириј, но дека овој акт мора да биде во согласност со Уставот и дека се треба да се направи во согласност со процедурите.

-Во оваа земја секој сака да направи компликација, а според мене работите се едноставни. Сè треба да се направи во согласност со процедурите. Што се однесува до мене, новата влада треба ова прашање да го стави ad acta, а јас би го парафирал без никакви проблеми, рече Абазовиќ.

Тој додаде дека сè уште не е комплетиран персоналниот состав на новата влада и додаде дека е задоволен од прелиминарните разговори што ги имал со партиските претставници.

-Би сакал Црна Гора да ја добие 43. влада и таа влада да придонесе за намалување на поларизацијата во општеството и да се движиме посилно кон европската интеграција. Мислам дека сме многу блиску до тоа да направиме еден голем политички ресет во еден период, па нека тоа биде и една година, што ќе донесе многу бенефити за нашата земја, рече Абазовиќ.

Тој ги отфрли оценките за „бркање“ на Србите од власта, нагласувајќи дека не се бори за народи, туку за луѓе и дека секој ќе може да биде дел од тимот без никакви резерви, само за да ги исполни критериумите за да се направи некоја работа.

-Мораме да го вратиме граѓанскиот имиџ, мислам дека тоа и недостигаше на претходната власт. Мора да го вратиме имиџот на европската влада и секуларната влада, но мора да ги почитуваме и сите верски заедници. Би сакал таа некоја идна влада тоа да го преслика, изјави Абазовиќ.

Би можело да ве интересира

Црна Гора предлага учебната година да почне на 5 септември

А1он

Ненад Калуѓеровиќ на распит во црногорското обвинителството

Комеморација за жртвите од масакрот во Цетиње

Катерина Павлова-Николовска

Кој е човекот кој го застрела убиецот од Цетиње: Бил суден за убиство, осомничен за тероризам

Полицијата преговара со Ненад Калуѓеровиќ да се предаде: Убиецот го ранил полицаец, па тој го докрајчил

Помрачување на умот-кај убиецот од Цетиње имало еден сомнителен детаљ

Предраг Петровиќ