Ако сте меѓу оние кои ги забораваат имињата на лицата само неколку минути после запознавањето, британските научници имаат оправдување за вас.
Научниците откриле дека за некои работи можеме да се сетиме неколку часа подоцна, додека едно одредено време тие можат да „избегаат“ од нашето помнење.
Иако не е во целост јасно поради што таквите пропусти се случуваат, се верува дека тоа е затоа што мозокот на тој начин се штити од преоптоварување со информации, јави „Дејли Меил“.
– Научниците долго се прашувале зошто мозокот ги покажува овие мемориски пропусти. Помнењето е енергетски процес. Мозокот на пример мора да одлучи дали е нешто вредно за вложување на енергијата, а бидејќи ма ограничени способности на учење, ова е еден од начините да избегне преоптоварување, заклучија експертите.
Во својата студија истражувачите направиле експерименти врз полжави на кои им понудиле непозната супстанца за да видат дали ќе ја препознаат како храна. Открија дека полжавите реагирале така што имале мемориски пропусти од половина час до два часа, пред меморијата целосно да ја консолидараат во рок од четири часа. Меѓутоа, при вклучувањето на други поттикнувања за консолидација на меморијата им требало многу повеќе време.