Првите 15 ресторани на поранешниот синџир „Мекдоналдс“ повторно се отворени во Москва и московската област под новото име „Вкусно и точка“, јавува РИА Новости.
„Задоволен сум што можам да го претставам нашето ново име „Вкусно и точка““, изјави Олег Пароев, извршен директор на оваа компанија во Русија.
Утре во Русија ќе бидат отворени уште 50 ресторани, а до крајот на јуни околу 200.
Засега целото мени нема да биде достапно за посетителите на „Вкусно и точка“.
Паројев го објасни тоа со логистички тешкотии, како и со фактот дека рестораните се отвораат во рекордно време.
Некои познати ставки нема да бидат во новото мени – „Big Mac“ и „McFlour“.
Тоа е затоа што овие имиња, овие брендови, нивниот изглед и технологијата на производство имаат многу директна врска со брендот „Мекдоналдс“, но сакам да ветам дека во многу блиска иднина ќе имаме достојни замени за овие производи, за што сум сигурен дека нашите потрошувачи ќе го ценат и сакаат тоа“, рече извршниот директор.
Дополнително, додаде тој, треба да се промени и амбалажата на некои производи.