Технологијата применета на вистински начин може да направи светот да изгледа неверојатно мал.
Тоа му успеа на добитникот на наградата „Греми“, композиторот и диригент Ерик Витакер со неговиот проект „Виртуеклен хор“, објави американскиот интернет портал Машабл.
Витакер овој проект го осмислил уште во 2009 година кога преку и-мајл добил видео снимка на Јутуб на која негова обожувателката пее сопран од неговата песна „Sleep“.
Тогаш на памет му паднала идејата дека кога доволен број луѓе би пеале сопран, алт, тенор и бас, би можел да состави виртуелен хор.
Првиот негов проект од тој тип се состоеше од комбинација од 250 гласови од 12 земји. Најновото дело „Виртуелниот хор 4 – Лет до рајот“ пак го сочинуваат над 8.000 гласови од 101 земја. Возраста на пејачите се движи од шест и 98 години.
Витакер на неговата интернет страница напиша: „Навистина станавме светски хор“.