На овогодишното доделување на наградите на Американската филмска академија, оскарот за споредна женска улога го освои Патриша Аркет за филмот „Boyhood“.
Како што е редот во такви ситуации, Аркет се заблагодари на сите кои се заслужни за нејзиниот успех, но при тоа во обраќањето уфрли и еден невообичаен „детал“.
Имено, таа се осврна на практиката во Холивид актерките да добиваат помали хонорари од актерите.
– Доста се боревме за туѓи права, време е да почнеме да се бориме за своите… Време е да постигнеме еднаквост во хонорарите еднаш засекогаш. Еднакви права за жените во САД, порача Аркет.
Ваквиот апел на Аркет наиде на бурна реакција во публиката, а при тоа како особно бучни се истакнаа Мерил Стрип и Џенифер Лопез.