„Врба“ на Милчо Манчевски – македонски кандидат за „Оскар“ во 2021

Од:

Филмот „Врба“ на режисерот Милчо Манчевски ќе биде кандидат на Република Северна Македонија за „Оскар“ за најдобар долгометражен интернационален филм за 2021 година, соопшти Друштвото на филмските работници на Македонија (ДФРМ).

Одлуката ја донесе Комисијата за избор на македонски кандидат за наградата „Оскар“ при ДФРМ, во состав: Игор Иванов – режисер и претседател на Комисијата, Дејан Лилиќ – актер, Тамара Котевска – режисер, Самир Љума – кинематографер, Мартин Иванов – монтажер, Иван Ѓоршев – мајстор на светло и Сања Арсовска – актерка.

Во конкуренција за кандидатурата биле и филмовите: „Ефектот на среќата“ во режија на Борјан Зафировски, „Исчезнатиот“ на Арбен Тачи, „Кеиф“ на Блаже Дулев и „Незо“ во режија на Мерита Чочоли.

ДФРМ соопшти дека кандидатурата на „Врба“ за наш национален претставник во трката за најпознатата филмска награда е прифатена и одобрена од Американската академија за подвижни слики, уметност и наука.

Поради КОВИД-пандемијата, 93-тата церемонија за доделување на наградите „Оскар“ ќе се одржи подоцна од вообичаено, односно на 25 април 2021 (недела) во Лос Анџелес.

Би можело да ве интересира

Фотографска изложба на Милчо Манчевски во Бургас

Филмот „Сестри“ национален кандидат за наградата Оскар за најдобар интернационален филм

А1он

„Врба“ на Манчевски го отвора Балканскиот филмски фестивал во Рим

Во Софија поставена изложба на фотографии на Милчо Манчевски

А1он

Почна снимањето на „Кајмак“ на Милчо Манчевски

Ана Ололовска

„Кајмак“ на Манчевски започнува со работа

Ана Ололовска