Најстарата мачка на светот, Тифани Ту наполни 27 години и нејзиното име се најде во Гинисовата книга на рекорди.
Според наводите оваа мачка е родена на 13-ти март 1988 година во Сан Диего во Калифорнија, а нејзината сопственичка Шерон Вурхис ја купила за 10 долари кога имала само шест недели.
Доколку се пресмета во човечки години, Тифани е стара дури 125 години, но без оглед на се таа е доста витална, може да трча по скали, а единствена болест и е високиот притисок.
Меѓутоа Тифани не е најстарата мачка која некогаш живеела. Убедлива рекордерка е Крим Паф која живееше 38 години, односно од 1967 до 2005 година.
Е.Г.