На дива депонија во Лисиче фрлени одрани животни

Од:

Денеска на Единствениот повикувачки број за итни случаи 112 во Центарот за управување со кризи (ЦУК), околу пладне, се добиени неколку пријави за многу лоша смрдеа од дива депонија во населба „Лисиче“, Општина Аеродром, информираа од ЦУК.

„Граѓаните пратија и фотографии од локацијата, каде што биле фрлени животински остатоци и кожи од одрани животни, а покрај силната многу лоша смрдеа, посочија дека нивното распаѓање и разнесување на делови од страна на други животни можело да предизвика и дополнителна контаминација на околината со бактерии“.

Од Секторот за операции и координација на ЦУК, преку дежурните оперативци на РЦУК Скопје било контактирано со надлежни служби. Притоа, во координација со одговорната на дежурната служба на Комунална хигиена на Град Скопје, е остварена акција за чистење на фрлените работи и животински остатоци и кожи од одрани животни.

„По слично отстранување отпадоци и фрлени работи од органско потекло кај ТЦ „Мавровка“, екипата на Комунална хигиена се упатила во населбата „Лисиче“ и попладне ги отстраниле фрлените работи од дивата депонија што создавале многу лоша смрдеа и што биле потенцијална опасност и за можни понатамошни контаминации на средината и можни инфекции за луѓето“, велат од ЦУК.

Би можело да ве интересира

Рекорден број повици од постоењето на бројот за итни случаи 112

ЦУК: Активни се 13 пожари, изминатото деноноќие имаше 24 пожари на отворено

(ВИДЕО) 18 пожари горат во земјава: активни се сите хеликоптери и авиони, доаѓа помош и од Романија

Катерина Ѓуровски

Се очекува „Ер трактори“ да се вклучат во гаснењето на пожарот на Огражден, на границата со Бугарија

A1on

Спасувачка акција за три 16-годишни момчиња заробени на островче на надојдената Треска

Предраг Петровиќ

Лифтот со екипата на Итна помош паднал од втор кат во подрум, тројца повредени