Најголемите суперхерои се католици, тврди ватиканскиот весник Л`осерваторе Романо, кој во последно време се обидува да привлече верници преку поп културата. Весникот оцени дека меѓукатолиците се и најпопуларните стрип јунаци Супермен, Хулк и Бетмен.
Во текстот „Дали Хулк навистина е католик?“ ватиканскиот весник наведува пример од стрипот „Бетмен“ во кој неговиот алтер его Брус Вејн се моли покрај креветот како дете. Исто се тврди и дека мајката на Бетмен била католик.
За Хулк, ватиканскиот весник наведува дека овој супер јунак често држи бројаници.
– Покрај бројниците, Брус Банер, неверојатниот зелен човек, попознат како Хулк, се ожени со Бети Рос во црква, а церемонијата ја служеше католички свештеник.
Ватиканскиот весник тврди дека и Супермен е католик, иако тоа го оспорува и самиот Супермен. Новиот филм за него „Супермен: Човек од челик“ предизвика полемики за верското определување на ликот, бидејќи неговиот алтер его Кларк Кент е наизглед методиста. Меѓутоа, весникот повлекува паралела меѓу Супермен и Исус Христос, наведувајќи дека таа споредба се провлекува уште од 1932 година, кога стрип јунакот бил првпат нацртан.
Вистински католик, според весникот, е и Најткролер од филмовите „Икс мен“. Познат и како Курт Вагнер, мутант акробат, тој го прекрил своето тело со христијански тетоважи.