Милиони Турци го чекаат новогодишното извлекување на броевите од турската лотарија, за која „џекпотот“ изнесува рекордни 55 милиони турски лири, односно 17,2 милиони евра.
Извлекувањето ќе се одржи на 31 декември во 12 часот и ќе биде директно пренесувано на државното радио и телевизија.
Турските медиуми објавија дека најголем број тикети на лотаријата се продадени во Истанбул. Цел тикет чини 50 лири (15,6 евра), половина 25 лири (7,8 евра), а четвртина 12,5 лири (3,9 евра).
Статистиката од последните 10 години покажува дека „џекпотот“ најчесто се паѓа на четвртина тикет, при што најголемиот број среќни добитници се од Истанбул, а потоа од Анкара, Адана и Измир.
Со главната премија во Турција би можеле да се купат четири авиони од типот „Фалкон 2000“, околу 300 стана или десет вили крај Босфорот.