Американката Алис Свонсон, што падна и го повреди рамото откако се сопна од „легнат полицаец“, доби од казино во Лас Вегас отштета во висина од 755.000 американски долари.
Врховниот суд на американската сојузна држава Невада ја потврди претходно изречената пресуда од понискиот суд за овој случај.
Алис Свонсон судската постапка ја покренала уште во 2007 година, откако одејќи по улица се сопнала од легнат полицаец и при падот го повредила рамото. Во тужбата Алис навела дека нерамнината на патот предизвикана од „легнатиот полицаец“ поставен од казиното била превисока, што судот го прифатил.
Судот, донел одлука казиното да исплати на повредената 375.000 долари надоместок за досегашната болка и страдање, како и 400.000 долари за болка и страдање што ќе ги доживее во иднина како последица од повреденото рамо.