Онил Морис, Американка која лажно се претставувала како естетски хирург, на жртвите на измама им вбризгувала супстанца во која имало лепило за плочки, суперлепило, вулканизерско лепило, цемент и минерално масло.
Лажната лекарка. која се занимавала со естеска хирургија. е уапсена на јужниот дел на Флорида и обвинета е за смрт на една жена, која, како што тврди полицијата, починала кога за време на операцијата за зголемување на задникот и била вбризгана непозната супстанца.
Шатарка Нубај, 31-годишна мајка, и платила на жената по име Онил Морис, позната како „Војвотка“, неколку стотици долари да и дојде дома и да и вбризга во задникот, бутините и градите засега неидентификувана супстанца.
„Војвотката“ раните од инекциите ги затворала со суперлепак, изјавија денеска помошниците на шерифот на округот Брауард.
Нубај им се доверила на пријателите дека местата каде и биле ставени инекциите и станале тврди и жешки, а кожата и поцрнела.
Пред смртта во март оваа година таа го информирала Министерството за здравство за тоа што и се случило.
Како што е соопштено од канцеларијата на шерифот во Брауард, утврдено е дека Нубај претрпела „голема, системска миграција на силикон“ како последица на вбризгувањето.
Властите на Флорида наведуваат дека Нубај е една од жртвите на „експертизата“ на Онил Морис (32), која на терен понекогаш одела облечена во лекарска униформа со стетоскоп.
Некои од жртвите, чиј број не е соопштен, доживеале компликации бидејќи „Војвотката“ во телото им вбризгувала супстанца во која, покрај другото, имало лепило за плочки, суперлепило, вулканизерско лепило за гуми, цемент и минерално масло, нагласија помошниците на шерифот.
Онис Морис уапсена е вчера во станот на својата мајка во јужниот дел на Флорида. Обвинета е за убиство, а нејзиниот адвокат одби тоа да го коментира.
Морис, за која полицијата тврди дека е родена како машко а се претставува како жена, била уапсена и минатата есен и тогаш е обвинета дека се занимавала со медицина без дозвола и при тоа предизвикала сериозна телесна повреда.
Пред тоа апсење, по неа се трагало речиси една година. Како што наведува полицијата, една жена која барала работа во ноќен клуб и подобра фигура на телото и платила на „Војвотката“ во 2010 година 700 долари за да ја разубави. На неа, исто така, во задницата и вбризгала отровни хемикалии, а зафатот бил многу болен.