Најмалку 25 луѓе се повредени на забава откако се срушил подот од куќата на два спрата, во американската држава Џорџија.
На забавата, во близина на Универзитетот во Џорџија, присутни биле поколу 500 луѓе.
Гостите се здобиле со бројни повреди, од исекотини до скршени раце, откако подот пропаднал во подрумскиот простор од куќата.
„Можеше да биде и многу полошо, треба да бидеме благодарни што работите завршија вака“, изјавил капетанот на пожарникарната служба, Нејт Мос, додавајќи дека ваквите несреќи се честа појава во старите објекти каде што има многу луѓе.
Улицата каде што се наоѓа куќата била преполна со возила и луѓе кои излегле надвор за да видат што се случува, па противпожарните возила едвај успеале да се пробијат до местото на несреќата.
„Во куќата имаше толку многу луѓе, па поголемиот дел од приземјето се срушил во подрумот“, изјавил Нејтс.