Изречени 50 казни за прекршување на Ковид мерките во резиденцијата на Џонсон

Од:

Лондонската полиција изрече повеќе од 50 казни за посетителите на забавата во резиденцијата на британскиот премиер Борис Џонсон и други владини згради за време на строгите рестриктивни мерки во првите бранови на пандемијата на Ковид. Ова се наведува во извештајот што го објави Скотланд Јард денеска, цитиран од локални и странски медиуми.

Првите 20 казни беа изречени кон крајот на март, а две недели подоцна полицијата откри уште 30 случаи на прекршоци. Службениците за спроведување на законот не ги открија имињата на прекршителите, ниту датумот и местото на настаните што се случија во време на пандемијата. Кабинетот на Џонсон претходно соопшти дека доколку премиерот биде казнет, ​​тоа ќе биде јавно објавено.

Лидерот на либералдемократите Ед Дејви веќе рече дека бројот на издадени казни покажува „шокантен обем на прекршок“ на Даунинг стрит 10.

„Полицијата целосно ги отфрли тврдењата на Џонсон дека законите не се прекршени. Нему не може да му се верува, не може да остане премиер. Ниту еден друг лидер на која било организација не може да продолжи да остане на функцијата по прекршување на законот од ваков обем. Ако Борис Џонсон не поднесе оставка, конзервативните пратеници мора да му ја покажат вратата“, рече Дејви.

Извор: МИА

Би можело да ве интересира

Иран воведе нови санкции против ЕУ и Велика Британија

Ана Ололовска

Во Кина драстично намален бројот на тешки случаи и смрт од Ковид-19

Ана Ололовска

Лами: Не сакаме назад во ЕУ, но повторно ќе се поврземе

Ана Ололовска

Британскиот Врховен суд ја отфрли тужбата на Ујгурите против британската Влада

А1он

Кина пријави голем скок на бројот на хоспитализирани со коронавирус

Ана Ололовска

Маж и жена од Британија ги изгладнувале децата и ги туширале со врела вода

Ана Ололовска