Доколку тинејџерот никогаш не ве излажал сметајте дека сте еден од ретките среќници на планетата. Освен бунтот, лагата е уште еден придружник на пубертетот, така што бидете подготвени на невистините, кои адолесцентот од време на време ќе ви ги серивира.
Првата реакција на голем број родители е бес проследен со закани од типот „Ако уште еднаш ме излажеш, не ти се пишува добро“. Наместо предавања и упатувања закани психолозите советуваат вниманието да се насочи кон причините зошто тинејџерот лаже. Да се утврди дали со тоа се извлекува од непријатна ситуација, привлекува внимание, предизвикува сочувство или тоа му преминало во навика.
Истражувањата покажуваат дека голем број деца лажат затоа што тоа им изгледа како најдобар избор во тој момент.
Ако тинејџерот ве излажал дека го исчистил домот до правосмукалка, потсетете го на правилата, кои мораат да се почитуваат. Одвоено казенете го за непочитување на правилата и за лажењето. Ако мислите дека ве лаже без причина, прашајте го на убав начин зошто одлучил да не ја каже вистината и потсетете го на значењето на искреноста.
Не очекувајте чудо, најверојатно нема да успеете да го „излечите“ во целост, но барем ќе му испратите порака дека има и други опции.