Многумина ги сакаат или со задоволство се сеќаваат на популарните чоколади „Сека“ и „Брацо“ („Сестричка“ и „Братче“), кои на полиците во продавниците во поранешна Југославија се наоѓаат уште од 60-те години на минатито век.
Само малкумина можеби знаат дека русокосото девојче од обвивката на „Сека“ е Теа Агбаба, ќерка на новинарот Градимир Агбаба, која во разговор за Радио Сараево открива како нејзината фотографија се нашла на чоколадата.
– Беше еден сосема нормален ден и мислам дека во градинката бараа деца кои би можеле да бидат фотографирани за тие чоколади. Тие цело време гледаа во мене и веднаш рекоа дека јас сум вистнската, раскажува Теа, додавајќи дека тогаш сите и велеле дека тоа е преубава можност.
Таа вели дела мисли оти ја избрале токму неа затоа што била секогаш насмеана.
– Браќата секогаш ми велеа дека имам детски обравчиња, кои ми остана до денес. Претпоставувам дека сум била вистинско мало девојче, вели денес 32-годишната Теа.
Таа раскажува дека не го познавала момчето што се најде на чоколадата „Брацо“, Дан Бабиќ и дека не и било јасно зошто едно непознато дете треба да и биде „братче“, кога таа веќе има тројца браќа.
– Исто така, се сеќавам дека во еден момент сакав самата да се фотографирам, па ми објаснуваат дека нема можност во исто време да бидам на фотографија и да фотографирам, раскажува Теа.
Таа натаму додава дека „братчето“ Дан ја пронашло на Фејсбук пред една или две години и дека сега се во контакт.
– Тој е симпатично момче, со кого делам многу големи спомени од нашето детство, вели Теа, која 20 години живеела во Лондон, а од лани се преселила во Палма де Мајорка.
Теа денес бара работа, а покрај актерството и театарот, се занимава и со фотографирање и тврди дека единствена желба и е да биде среќна.