Ако ви здодеаја досегашните смајли, не грижете се. Епл објави новитети и на ова поле.
Имено, серија нови емотикони стигнува на сите АјФони, АјПади, Мак и други уреди подоцна оваа година.
Меѓу новите емотикони се наоѓа и жена со шамија, маж со брада, но и жена која дои.
Новите смајли ги креираше непрофитабилната група Unicode Consortium, во која се волонтери од технолошки компании кои заеднички гласаат за тие кои ќе влезат во потесниот избор.
Инаку, емотиконите често беа на удар на критики, дека не се доволно разновидни како и дека застапуваат расизам. Со тек на времето се менуваа, па сега може да се бира дали ќе користите бели или црни, а речиси да нема животна тема која не е насликана барем со еден емотикон.