Едногодишното девојче од Портланд во американската држава Орегон, купи автомобил по пат на интернет играјќи се со мобилниот телефон на нејзиниот татко, кој одлучил да го задржи купеното.
Паул Стоут доби известување од интернет страницата eBay, која му честитала на куповањето вредно 225 долари и му соопшти дека станал горд сопственик на автомобилот Austin-Healey sprite од 1962 година.
Меѓутоа тој ништо претходно не купил, но по оваа потврда сфатил дека неговата ќеркичка, која сака да си игра со неговиот смартфон, вложила понуда на апликацијата на eBay, каде веднаш се извршува купувањето.
Стоут претходно на eBay барал автомобили, со идеја со пријателите да покрене проект на реставрација на возила.
– За среќа не купи Порше, вредно 38.000 долари, рече Стоут.