Крис Холмс, 31-годишен работник на аеродромот Стенстед во близина на Лондон, одлучи да даде отказ испишан на леден колач.
– Денеска е мојот 31-ви роденден и бидејќи неодамна станав татко дури сега разбирам колку животот е вреден и колку е важно да го поминуваш времето работејќи нешто што ќе ме направи среќен. Поради тоа, на овој начин давам отказ, за своето време да го посветам на семејството, стои меѓу другото на колачот кој Холмс го испрати до Управата на аеродромот.
Фотографијата со колачот на која е испишан отказот стана хит откако на Интернет ја поставил неговиот зет. Од Управата одговориле дека на нивниот, сега веќе поранешен работник, му посакуваат се најдобро.
Холмс четири години работел на аеродромот како службеник за имиграција.