Актерот Жарко Лаушевиќ се повредил со секира на снимање

Од:

Познатиот актер Жарко Лаушевиќ се повредил на снимање на филмот „Хероите на Халијард“, и тоа со секира, пишуваат српските медиуми.

За време на снимањето на една сцена, секирата случајно му паднала од рацете на актерот и му ја расекла ногата и вената, па веднаш му била укажана лекарска помош, пишуваат медиумите.

Сцените за филмот на режисерот Радош Бајиќ се снимале во селото Неменикуќе на планината Космај, а Лаушевиќ го продолжил снимањето со помош на колегите и соработниците, поради тоа што со денови имал силни болки во ранетата нога.

„Жарко според сценариото требаше да замавне со секирата над главата, па се до земјата. Некако се случи тој во полн замав да ја испушти и да му падне на кожниот опинок, кој е дел од неговиот костим. Иако кожата е дебела, секирата ја пресече и направи рана длабока неколку сантиметри на горниот дел од стопалото. Имаше крв на сите страни, и искрено да ви кажам, сите се исплашивме, затоа што мислевме дека раната е многу посериозна. Реагираше лекарот кој е присутен на сетот, на Жарко не му беше сеедно, но се трудеше да не паничи,“ раскажува за Блиц извор од снимањето на филмот.

„Иако Лауш не игра главна улога во овој воен филм, на Бајиќ тој му е драгоцен како голем уметник, кој поради личната трагедија, со децении беше отсутен од кинематографијата. Тој најмногу се исплаши поради неговата повреда, мислеше дека Жарко ќе има сериозни последици и дека ќе го упропасти стапалото. Но, тоа беше снимено и нема сериозни повреди, за среќа сѐ помина како што треба, а Жарко брзо се врати на сетот и продолжи со снимање,“ додава изворот.

И режисерот Радош Бајиќ се огласи по повод случајот:

„Повреди на сетот се случуваат, тоа е нормална работа. Лауш снимаше некои сцени, нешто забиваше, но ништо страшно не се случи. Имаме тим од лекари кои секогаш се со нас на снимањата и сѐ помина како што треба“, изјави режисерот.

Би можело да ве интересира

ВИДЕО: Претепа две жени на среде улица во Ниш, а потоа си влезе во своето возило

Ана Ололовска

Брнабиќ: Најголем капитален проект во Србија ќе биде железничкиот дел од Коридорот 10 до С. Македонија

Ана Ололовска

Чедомир Јовановиќ наводно пак учествувал во тепачка, вели дека не се сеќава

Жарко Настоски

Во Србија тројца починати и 202 новозаразени, властите препорачуваат трета доза вакцина

Жарко Настоски

Вучиќ негира дека се знае со Беливук, во исто време се појави нова снимка од шефот на криминалците

Жарко Настоски

Беливук проговорил за односот со српските власти: Му вршев разни услуги на Вучиќ

Жарко Настоски