ЗНМ: Осуда на заканите врз екипата на ТВ21

Од:

Здружението на новинарите на Македонија го осудува нападот врз новинарот и снимателот на ТВ 21 од страна на блиски роднини на градоначалничката на Арачиново, Миликије Халими од СДСМ.

dobivaj vesti na viber

Од ЗНМ ја повикуваат градоначалничката Миликије Халими веднаш да го осуди овој напад, а истовремено бараат итна и ефикасна истрага од страна на Министерството за внатрешни работи.

– Вчера, откако екипата на ТВ21 снимила прилог во врска со поплаките на жителите на оваа општина во врска со лошата инфраструктура, роднини на градоначалничката Халими упатиле вербални закани кон телевизиската екипа дека ќе им ја искршат камерата и барале снимките да бидат избришани.

Откако новинарите одбиле да ги избришат снимките, истите биле принудени да влезат во општинската зграда на Арачиново и повторно им биле упатени исти закани. Тие и по втор пат одбиле да ги избришат снимените материјали, па инцидентот продолжил во редакцијата на ТВ 21 каде истите лица му се заканиле и на главниот и одговорен уредник дека не смее да објавува ништо од снименото.

Истовремено, пристигнале и полициски службеници, по што лицата кои се заканувале ја напуштиле телевизијата, а новинарот и снимателот дале исказ во полициска станица, се вели во соопштението од ЗНМ.

Ваквото насилничко и примитивно однесување, се вели во реакцијата на ЗНМ, особено од лица блиски до политички фигури е неприфатливо и преставува напад врз слободата на информирање и претставува класично попречување во вршењето на работата на новинарите.

Од ЗНМ информираат дека инцидентот ќе биде пријавен и во Регионалната платформа на Западен Балкан за застапување на слободата на медиумите и безбедноста на новинарите.

Би можело да ве интересира

АВМУ: Најостра осуда за недоличниот однос на директорот на топланата Скопје-Север кон новинарката Додевска

Ана Ололовска

ЗНМ бара оставка од директорот на топланата Скопје, Север: Рамадани со груби навреди кон новинарката Додевска

Ана Ололовска

Програмскиот совет при МРТ и ЗНМ: На нетранспарентен начин се крати буџетот на МРТ

Ана Ололовска

Претставка до Судски совет за повреда на правото на колегата Кристијан Ландов да известува од судско рочиште

Горан Наумовски

Предложен куќен притвор напаѓачот на новинарска екипа

Катерина Павлова-Николовска

АВМУ: Осуда за нападот на новинарската екипа на ТВ 24 Вести

Ана Ололовска