Во рамките на Министерството за здравство завршила постапката за набавка на респираторни машини, информираше министерот за здравство, Венко Филипче.
Од девет компании кои се јавиле на тендерот, две ги задоволувале условите во однос на рокот и на критериумите.
Еден дел од респираторните машини ќе стигнаат во наредните седум дена, а останатите во текот на 30 дена. Набавени се 31 респираторна машина, а министерот на прес-конференцијата не кажа која е цената на набавката.
„Со ова значајно ќе го дополниме капацитетот на респираторни машини во земјава, пред сè за оние пациенти кои се лекуваат од Ковид-19“, рече Филипче.
