Запленета дрога кај четири лица во Тетово и Гостивар

Од:

Во текот на вчерашниот ден,  врз основа на судска наредба, полициски службеници извршиле претрес на дом и други помошни простории на улица „Кеј Вардар“ во Гостивар, сопственост на Н.И.(36) од Гостивар.

„При претресот биле пронајдени и одземени марихуана и предмети со остатоци од марихуана. Лицето било приведено во полициска станица. Исто така, во полициска станица било приведено и лицето Г.Н., кое било затекнато во куќата. При личен преглед, кај него била пронајдена и одземена марихуана. Во одделен случај, полициски службеници лишиле од слобода уште две лица од Гостивар. При личен  преглед, кај нив била пронајдена и одземена марихуана. По целосно документирање на случајот, против нив ќе бидат поднесени соодветни пријави“, соопштуваат од МВР.

Судот издал наредба и за претрес кај 49-годишен жител на Тетово.

„При претресот биле пронајдени  и одземени кокаин, дигитална вага и семки од марихуана. По документирање на случајот ќе бидат поднесени соодветни поднесоци“, додаваат од МВР.

 

Би можело да ве интересира

Пет лица затруени со храна од ресторан во Брвеница

Виктор Јованов

Група активисти: Добродојдовте во Тетово, градот во кој на никому не му е гајле за ништо

Ана Ололовска

ВИДЕО: Запленети 35 килограми режан тутун и 2000 кутии цигари

Приведени 10 лица, запленети 20 килограми марихуана, седум возила и мотоцикл

Ана Ололовска

Запленета рекордна количина хероин во Британија

Покренато обвинение против скопјанец кој во домот чувал марихуана

Ана Ололовска