Премиерот Зоран Заев, најави дека утре, заедно со Министерот за образование ќе се сретнат со претставниците на СОНК и ќе се обидат да најдат заедничко прифатливо решение, за покачувањето на платите во образованието.
Заев, упати апел до професорите и наставниците да не грижат дека има пари во буџетот за повисоки плати.
„Додека ВМРО-ДПМНЕ беше на власт, платите во образованието ги покачи два пати или вкупно за 10%. Ние за две години ги покачивме за над 10% и ќе си стоиме на зборот и ќе ги покачиме уште 10% како што најавивме од април. СОНК, бараат тоа да биде од јануари, утре имаме средба ќе побараме да има трпение затоа што има проектиран буџет за таа намена, за среќа буџетот не го трошиме на глупости. Ќе ги покачиме платите без денар задолжување. Нашата проекција е со ова покачување наставниците да достигнат плати повисоки од просечната“, рече Заев.