Премиерот Зоран Заев упати честитка до новиот претседател на САД Џо Бајден, и портпретседателката Калма Харис. Тој преку социјалните мрежи посочи дека и во иднина ќе се развиваат одличните односи кои Македонија ги има со Америка.
„Честитки за новоизбраниот претседател Џо Бајден и потпретседателката Камала Харис! Сигурен сум дека ќе продолжиме да ги развиваме одличните односи кои ги имаме со САД и да го продлабочуваме нашето сојузништво во НАТО, но и на сите полиња. Иднината пред нас е светла!“, напиша Заев.
Џо Бајден е избран за 46. претседател на САД. Меинстрим медиумите го прогласија Бајден за избран претседател по прогласувањето на негова победа во Пенсилванија, која носи 20 електорски гласови. Со нив Бајден стигна до 273 електорски гласови, од потребните 270 за претседател.
