Вработени во МВР издавале возачки дозволи на лица кои немале положено, поднесени 36 кривични пријави

Од:

Поднесени се кривични пријави за 36 лица, од кои осум вработени во МВР за злоупотреба на нивната службена положба и фалсификување на службена исправа.

„Пријавените службени лица вработени во Одделението за управни работи Скопје искористувајќи ја својата службена положба и овластување на 28 граѓани, спротивно на законските прописи, без да имаат положено возачки испит и без потребната документација, извршиле електронско креирање на документација со внесување на лажни податоци и ја одобриле за изработка, по што им биле издадени возачки дозволи за управување на моторни возила“, велат од МВР.

Еден од осомничените, во чиј дом е извршен претрес по наредба на судија во претходна постапка, е приведен во полициска станица.

„Обезбедените материјални докази ќе бидат предадени на јавен обвинител за понатамошна постапка. Осомничените службени лица се суспендирани од работните места и против нив ќе бидат поведени дисциплински постапки“, велат од МВР.

Би можело да ве интересира

СДСМ достави документи до ДКСК: Бара постапка за тендерот во МВР

Уапсен е возач кој управувал возило со 2,10 промили алкохол во крвта

А1он

Левица: Тошковски продолжува со алармантни тендери-милиони ќе се слеат во блокирани и фантом фирми

Предраг Петровиќ

МВР: Уапсени се четворица осомничени криминалци во акцијата „Букнер“

А1он

МВР со детали за сообраќајната несреќа на новиот експресен пат Прилеп – Градско

Апсење на члeнови на „Беланоца-Барон“ за убиствата на Пластичарска и во Ханиоти